اسلام آباد ،16 مئی (اے پی پی): پاکستان ویمنز کرکٹ ٹیم نے کاؤنٹی گراؤنڈ، نارتھمپٹن میں ٹریننگ کا آغاز کردیا، نارتھیمپٹن میں بارش کے باعث کھلاڑی انڈور ٹریننگ میں حصہ لے رہی ہیں۔
پاکستان اور انگلینڈ کی خواتین کرکٹ ٹیموں کے درمیان تین ٹی ٹوئنٹی انٹرنیشنل میچوں کی سیریز کا دوسرا میچ کل کاؤنٹی گراؤنڈ میں کھیلا جائے گا۔میچ مقامی وقت کے مطابق شام ساڑھے چھ بجے کھیلا جائے گا۔انگلینڈ کو ٹی ٹوئنٹی سیریز میں ایک صفر کی برتری حاصل ہے۔
