لیڈز ، 19 مئی (اے پی پی ):پاکستان ویمنز کرکٹ ٹیم کی کھلاڑیوں سے پاکستان مینز کرکٹرز نے اتوار کو یہاں ملاقات کی ۔ کپتان بابراعظم، سینئر منیجر وہاب ریاض، شاہین آفریدی اور دیگر کھلاڑیوں نے پاکستان ویمنز کرکٹرز کا حوصلہ بڑھایا اور دورہ انگلینڈ میں بقیہ میچز کے لیے نیک خواہشات کا اظہار کیا۔
پاکستان ویمنز کرکٹ ٹیم آج انگلینڈ کے خلاف ہیڈنگلے، لیڈز میں تیسرے ٹی ٹوئنٹی انٹرنیشنل میچ میں مدمقابل ہوگی۔پاکستان مینز کرکٹ ٹیم چار ٹی ٹوئنٹی انٹرنیشنل میچوں کی سیریز کا پہلا میچ انگلینڈ کے خلاف ہیڈنگلے، لیڈز میں 22 مئی کو کھیلے گی۔
