لاہور، 3 مئی (اے پی پی): کمشنر لاہور زید بن مقصود کی زیر صدارت کمشنر آفس میں ضلع قصور و ننکانہ صاحب میں چائنیز سکیورٹی اور ڈویلپمنٹ کے حوالے سے اہم اجلاس منعقد ہوا۔
کمشنر لاہور نے ہدایت دی کہ چائینیز کی سکیورٹی پر تمام ایس او پیز پر من و عن عمل درآمد کو یقینی بنایا جائے۔ انھوں نے ہدایت دیتے ہوئے مزید کہا کہ حکومت پنجاب کسانوں کے تمام مسائل کو حل کرنے کیلئے دن رات کوشاں ہے۔ان سے براہ راست رابطہ رکھیں۔کمشنر لاہور کو بریفنگ میں بتایا گیا کہ صفائی کیلئے تمام اضلاع کے ایل ڈبلیو ایم سی سے ایگریمنٹس ہوچکے ہیں۔بابا گرونانک دیو جی کے جنم استھان ہونے کے باعث ننکانہ صاحب کی اہمیت انٹرنیشنل ہے۔
انھوں نے کہا کہ ستھرا پنجاب پروگرام کے تحت تمام تحصیلوں کے ماڈل گاوں میں صفائی شیڈول کیمطابق سو فیصد ہونی چاہئیے۔کمشنر لاہور زید بن مقصود نے قصور کے 76میں سے غیر فعال 26 واٹر فلٹریشن پلانٹس کو 1 ماہ میں فعال کرنے کی ڈیڈلائن دے دی ۔ڈی سی ننکانہ محمد ارشد چودھری اور ڈی سی قصور رانا موسی طاہر نے اجلاس کو بریفنگ دی۔
