اسلام آباد 17 مئی (اے پی پی): کنگ سلمان ریلیف سینٹر پاکستان نے سندھ اور بلوچستان میں نورسعودی رضاکارانہ پروگرام کے تحت مزید چار آئی کیمپس البصر انٹرنیشنل فاؤنڈیشن کے معاونت سے الابراہیم آئی ہسپتال کراچی کے تعاون سے منعقد کیے تھے، جس کا مقصد ایسے افراد کو آنکھوں کی دیکھ بھال کی جدید سہولیات فراہم کرنا جو خصوصی علاج تک رسائی سے محروم ہیں یا اس کی استطاعت نہیں رکھتے۔
یہ میڈیکل کیمپ بنیادی طور پر صوبہ سندھ اور بلوچستان کے دیہی اور شہری علاقوں میں لگائے گئے تھے،جہاں آنکھوں کی دیکھ بھال کی خدمات محدود ہیں۔ اس پروگرام کا بنیادی مقصد آنکھوں سے متعلق مسائل کا ابتدائی مرحلے میں پتہ لگانا اور ان کا ازالہ کرنا ہے ۔
اس پروگرام کے تحت 18056 سے زیادہ طبی معائنے ، مزید برآں، 1633 سے زائد سرجریز اور بینائی کی اصلاح کے لیے ڈاکٹروں کی تجویز کردہ ادویات کے ساتھ 3816 چشمیں فراہم کرنا تھا۔ یہ میڈیکل کیمپس سندھ میں کراچی، سکھر، کنڈیارو اور بلوچستان کے ضلع خاران میں منعقد کیے گئے تھے جس سے ان علاقوں کے رہائشیوں کو آنکھوں کی دیکھ بھال کی خصوصی خدمات سے استفادہ کرنے اور اپنی بینائی دوبارہ حاصل کرنے کا موقع ملا۔
