گلگت،03مئی (اے پی پی):وزیر اعلیٰ گلگت بلتستان حاجی گلبر خان کے حکم پر ترجمان صوبائی حکومت فیض اللہ فراق نے ڈپٹی کمشنر دیامر فیاض احمد اور ایم ایس ریجنل ہیڈ کوارٹر ہسپتال چلاس ڈاکٹر اقبال کے ہمراہ ریجنل ہیڈ کوارٹر ہسپتال چلاس کا دورہ کیا اور مارکوپولو بس حادثے کے زخمیوں کی عیادت کی ، زخمیوں کی طبی امداد کا جائزہ لیا۔ بس حادثے کے حوالے سے ان کا کہنا ہے کہ چلاس بس حادثہ وزیر اعلیٰ گلگت بلتستان کی ہدایات پر ریسکیو آپریشن مکمل ہوگیا۔
ترجمان کے مطابق جابحق مسافروں کی تعداد 20 ہوگئی ہے۔ جبکہ 21 مسافر زخمی ہیں ۔ ریسکیو آپریشن میں ریسکیو 1122، جی بی پولیس اور گلگت بلتستان سکاؤٹس نے حصہ لیا ۔
