کوئٹہ 10جون(اے پی پی)صوبائی وزیر پی ایچ ای سردار عبدالرحمٰن کھیتران کی زیرِ صدارت واسا بورڈ اف ڈائریکٹرز اِجلاس منعقدہ ہوا،اجلاس میں آپریشنز، فنانس اور ریونیو ونگ کے افسران نے شرکت کی۔
اِجلاس میں سیکرٹری پی ایچ ای اور ایم ڈی واسا حامد لطیف رانا نے بریفنگ دی، اجلاس کے شرکاءنے متفقہ طور اتفاق کرتے ہوئے کہا کہ ریونیو، آپریشن اینڈ منٹینینس، انفارمیشن ٹیکنالوجی، ایڈمن اور میں اصلاحات لائی جائیں گی۔
اجلاس میں ریونیو کولیکشن میں پیش رفت کا جائزہ بھی لیا گیا،اجلاس میں مختلف منصوبوں سمیت پرانی گاڑیوں کی نیلامی کی منظوری اور 2پوسٹوں کی اپ گریڈیشن کی بھی منظوری لی گئی اجلاس کے شرکاءسے خطاب کرتے ہوئے صوبائی وزیر نے کہا کہ افسران بلا مشروط نادہندگان کے خلاف ایکشن لیں اور اس ضمن میں ریونیو میں اضافے کے لئے ریونیو افسران کو اختیارات دیے جائیں گے۔
سردار کھیتران نے متعلقہ افسروں کو ہدایات دی کہ ریونیو بڑھانے کیلئے مستقل بنیادوں پر لائحہ عمل تیار کی جائے تاکہ اس سے محکمہ کو ریونیو مل سکے ان کا مزید کہنا تھا کہ افسران ایسا لائحہ عمل بناہیں جس سے ٹینکر مافیا کے خلاف کارروائی کی جائے اور آئندہ ٹینکر مافیا پر ٹیکس عائد کیا جائے تاکہ محکمے کو ریونیو حاصل ہو سکے۔
اجلاس میں سیکرٹری پی ایچ ای عمران گچکی،منیجنگ ڈائریکٹرواسا حامد رانا،محکمہ فائنانس،محکمہ پی این ڈی،اسسٹنٹ کمشنر سحبان دشتی و دیگر متعلقہ افسران بھی موجود تھے۔
