اسلام آباد،12جون(اے پی پی): ممبر قومی اسمبلی انجینئر گل اصغر خان نے کہا ہے کہ بینظیر انکم سپورٹ پروگرام کے تحت غریب اور متوسط طبقے کو ریلیف فراہم کرنے کیلئے کیے جانے والے اقدامات سے بیواؤوں اور دور دراز علاقوں کی خواتین کو فائدہ ملے گا ۔ انہوں نے کہا کہ بجٹ سے عوام کو بہت سی توقعات وابستہ ہو تی ہیں اور موجودہ بجٹ میں عوام کو زیادہ سے زیادہ ریلیف فراہم کرنے کی کوشش کی گئی ہے۔
قومی اسمبلی میں بجٹ اجلاس کے بعد اے پی پی سے خصوصی گفتگو کرتے ہوئے ان کا کہنا تھا کہ سرکوری ملازمین کی تنخواہوں میں کہ گریڈ ایک سے 16 تک کے سرکار ی ملازمین کی تنخواہوں میں 25 % جبکہ 17 سے 22 گریڈ تک 20 % اضافہ ایک مثبت اقدام ہے جس سے عوام کو ریلیف ملے گا۔
آج حکومت نے مشکل حالات میں عوام دوست بجٹ پیش کیا ہے جس میں متوسط طبقے کے لیے ریلیف کے بہت سے اقدامات کیے گئے ہیں
