سرگودھا، 05 جون(اے پی پی): آر پی او شارق کمال صدیقی نے اپنے دفتر میں کھلی کچہری کا انعقاد کیا۔
ترجمان سرگودھا ریجن پولیس کے مطابق کھلی کچہری میں آر پی او شارق کمال صدیقی نے سرگودھا ریجن سے آنے والے شہریوں کے مسائل سنے اور اُن کے فوری حل کے لیے احکامات جاری کیے۔آر پی او نے ہدایت جاری کرتے ہوئے کہا کہ تمام افسران آنے والے شہریوں کی سہولت کا خیال رکھیں اورمسئلے کے حل تک اُن سے رابطے میں رہیں۔ عوامی اوقات کے دوران اپنے اپنے دفتر میں موجود رہیں اور عوام کی داد رسی کے لیے دستیاب وسائل کو بروئے کار لائیں۔
