اسلام آباد، 05 جون (اے پی پی):ملک کےبیشترجنوبی علاقوں میں موسم شدید گرم رہےگاتاہم گلگت بلتستان، کشمیر،اسلام آباد، خطہ پوٹھوہار،بالائی پنجاب اوربالائی خیبر پختونخوامیں آندھی /جھکڑ چلنے کے علاوہ گرج چمک کے ساتھ بارش کا امکان ہے۔
محکمہ موسمیات کے مطابق گزشتہ 24 گھنٹے میں ملک کے بیشتر علاقوں میں موسم گرم اور خشک جبکہ جنوبی علاقوں میں شدید گرم رہا۔ تاہم جنوبی پنجاب، بالائی خیبر پختونخوا، گلگت بلتستان، خطہ پوٹھوہار اوراسلام آباد میں چند مقامات پر آندھی/جھکڑ چلنے کے علاوہ گرج چمک کے ساتھ بارش ہوئی۔
سب سے زیادہ بارش (ملی میٹر): پنجاب: ڈیرہ غازی خان10، ملتان01، خیبرپختونخوا: پٹن 05، دیر(بالائی)، کالام 02، گلگت بلتستان: استور05 اوراسکردومیں01 ملی میٹر بارش ریکارڈ ہوئی۔
گزشتہ روزریکارڈ کیے گئے زیادہ سے زیادہ درجہ حرارت: جیکب آباد 47، سبی، دادو 46، موہنجوداڑو، خیرپور، ڈی جی خان، بہاولنگر 45، سکرنڈ، روہڑی، رحیم یار خان، سکھر، اوکاڑہ، شہید بینظیر آباد، لاڑکانہ، کوٹ ادو، خانپور، خانیوال، ڈی آئی خان، دالبندین میں 44 ڈگری سینٹی ریکارڈ کیا گیا۔
