اسلام آباد، 11 جون (اے پی پی ):ملک کے بیشتر علاقوں میں موسم گرم اور خشک جبکہ وسطی /جنوبی میدانی علاقوں میں موسم شدید گرم رہنے کا امکان ہے تاہم (شام /رات) میں گلگت بلتستان،کشمیر اور بالائی خیبر پختونخوا میں مطلع جزوی ابر آلود رہنے کے علاوہ چند مقامات پر گرج چمک کے ساتھ ہلکی بارش ہو سکتی ہے۔
محکمہ موسمیات کے مطابق گزشتہ 24 گھنٹے کے دوران ملک کے بیشتر علاقوں میں موسم گرم اور خشک جبکہ جنوبی علاقوں میں شدید گرم رہا تاہم کاکول 14 اور راوالاکوٹ میں 02 ملی میٹر بارش ریکارڈ ہوئی۔
گزشتہ روز ریکارڈ کیے گئے زیادہ سے زیادہ درجہ حرارت : بھکر47، جیکب آباد ، سبی 46 ،موہنجوداڑو،بہاولنگر، گوجرانوالہ، خیرپور، نور پور تھل،روہڑی اور سکھر میں 45 ڈگری سینٹی ریکارڈ کیا گیا۔
