اسلام آباد،12جون (اے پی پی): ممبر قومی اسمبلی انجم عقیل نے کہا ہے کہ موجودہ بجٹ غریب اور متوسط طبقے کا بجٹ ہے جس میں ان کے ریلیف کے لیے اقدامات کیے گئے ہیں۔
آج قومی اسمبلی میں بجٹ اجلاس کے بعد اے پی پی سے خصوصی گفتگو کرتے ہوئے انجم عقیل کا کہنا تھا کہ حکومت نے مشکل حالات میں عوام دوست بجٹ پیش کیا ہے جس کے لیے حکومت کی کاوشیں لائق تحسین ہیں۔انہوں نے کہا کہ بجٹ میں آئی ٹی، توانائی اور زراعت کے شعبے کے لیے خصوصی اقدامات کیے گئے ہیں جن کی بدولت ملک کی معیشت کو مثبت سمت میں لے جانے میں مدد ملے گی ۔
