اسلام آباد، 13 جون (اے پی پی): وفاقی وزیر اطلاعات و نشریات عطا اللہء تارڑ نے کہا ہے کہ نوجوانوں کو فنی تعلیم سے آراستہ کرنا ہوگا،ہماری توجہ نوجوانوں کو ہنر مند بنانے پر مرکوز ہے ، موجودہ حکومت کی توجہ ہمیشہ جدید تعلیم کے فروغ پر مرکو ز رہی ہے۔
جمعرات کو یہاں میڈیا سے گفتگو کرتے ہوئے وفاقی وزیر اطلاعات و نشریات عطا اللہء تارڑ نے کہا کہ ہماری آبادی کا بڑا حصہ نوجوانوں پر مشتمل ہے ، عالمی معیشت میں ان نوجوانوں نے بڑاحصہ ڈالا ہے اور ان ہنر مند افراد کی دنیا بھر میں مانگ ہے۔
وزیر اطلاعات نے کہا تعلیم معاشرے اور معیشت میں ریڑھ کی ہڈی کی حیثیت رکھتی ہے ، موجودہ حکومت میں معاشی اشاریے مثبت سمت میں چل رہے ہیں، مہنگائی کی شرح میں بتدریج کمی آ رہی ہے اور ہم نوجوانوں کو ہنر مند بنا کر عالمی معیشت میں فعال کردار ادا کر سکتے ہیں۔
