اسلام آباد، 10 جون (اے پی پی ): وزیر اعلیٰ بلوچستان سرفراز بگٹی نے گورنر خیبر پختونخوا فیصل کریم کنڈی سے پیر کو یہاں ملاقات کی ، جس دورن باہمی دلچسپی کے امور پر تبادلہ خیال کیا گیا۔ گورنر خیبر پختونخوا نے بلوچستان میں عوامی فلاح و بہبود کے لئے اقدامات پر وزیر اعلیٰ بلوچستان میر سرفراز بگٹی کی کاوشوں کو سراہا ۔
وزیر اعلیٰ بلوچستان سرفراز بگٹی نے گورنر خیبر پختونخوا فیصل کریم کنڈی کو دورہ بلوچستان نے دعوت دی۔ وزیر اعلیٰ نے کہا کہ بلوچستان میں گڈ گورننس، صحت اور تعلیم کے شعبوں کی بہتری کیلئے کام کررہے ہیں، صدر آصف علی زرداری اور چئیرمین پاکستان پیپلز پارٹی بلاول بھٹو کے وژن کے مطابق بلوچستان کو ترقی کی راہ پر گامزن کرنے کا پختہ عزم رکھتے ہیں۔
