لاہور، 28 جوں (اے پی پی): وزیر اعلیٰ پنجاب مریم نواز شریف کی جانب سے ماڈل بازاروں سے مفت ہوم ڈیلیوری شروع کرنے کی منظوری دیدی گئی ہے۔ وزیراعلیٰ مریم نوازشریف سے ماڈل بازار مینجمنٹ کمپنی کے چیئرمین اور ممبر قومی اسمبلی محمد افضل کھوکھر نے ملاقات کی، جس میں چیئرمین افضل کھوکھر نے ماڈل بازار پراجیکٹ بارے تفصیلی بریفنگ دی۔
وزیراعلیٰ پنجاب مریم نواز نے کہا ہے کہ ماڈل بازار عام آدمی کے لیے ہیں ان میں ہر صورت اچھی چیز ملنی چاہئیے۔ وزیراعلیٰ نے مڈال بازاروں سے مفت ہوم ڈیلیوری شروع کرنے کی منظوری دیتے ہوئے آن لائن آرڈر کے لیے موبائل ایپ لانچ کرنے کی ہدایت بھی کی۔
مریم نواز کا کہنا تھا کہ لاہور کی ڈویلپمنٹ کے لئے 35ارب روپے مختص کیے گئے ہیں۔ پوری لگن اور محنت کے ساتھ پنجاب کے عوام کو زیادہ سے زیادہ ریلیف پہنچارہےہیں۔ پنجاب کے ہرضلع میں ایک سال کے اندر ماڈل بازار قائم کیے جائیں گے جبکہ ماڈل بازاروں کو گریب پنجاب سولر ماڈل پر منتقل کیا جائے گا۔
وزیراعلیٰ پنجاب نے ماڈل بازاروں میں مقررہ نرخ سے کم سبزیاں اور پھل کی فروخت یقینی بنانے اور اوزان و پیمائش کی مانیٹرنگ جاری رکھنے کی ہدایت بھی کی۔
