لاہور 24جون ( اے پی پی ) صوبائی وزیر صنعت و تجارت چوہدری شافع حسین کی زیر صدارت اجلاس منعقد ہوا ۔پنجاب کی 23 سمال انڈسٹریل اسٹیٹس کی کالونائزیش اور ترقیاتی امور کا جائزہ لیا گیا۔اجلاس میں گجرات میں نئی انڈسٹریل اسٹیٹ بنانے کا فیصلہ کیا گیا نئی انڈسٹریل اسٹیٹ غیر زرعی اراضی پر بنے گی۔ صوبائی وزیر نے گجرات کی ضلعی انتظامیہ کو آیندہ چار روز میں مناسب زمین کی نشاندہی کی ہدایت کی اور کہا کہ انڈسٹریل اسٹیٹ کے لئے ایسی جگہ تلاش کی جائے جہاں بجلی کی ٹرانسمشن لائن اور گیس پائپ لائن قریب ہو۔انہوں نے کہا کہ گجرات میں نئی انڈسٹریل اسٹیٹ بننے سے صنعتکاروں کو سہولت ملے گی اور معاشی سرگرمیاں بڑھیں گی پنجاب میں نئے کارخانے لگنے سے روزگار کے نئے مواقع پیدا ہوں گے۔ حکومت صوبے میں صنعتکاری کے عمل کو تیز کرنے کیلئے موثر حکمت عملی پر عمل پیرا ہے، ایم ڈی پیسک سدرہ یونس ،سینئر اکنامک ایڈوائزر جاوید اقبال، محکمہ آبپاشی کے افسران نے اجلاس میں شرکت کی۔ اے ڈی سی آر گجرات وڈیو لنک کے ذریعے اجلاس میں شریک ہوئے۔
