راولپنڈی،07 جون (اے پی پی ): پاک بحریہ کے جہاز پی این ایس اصلت نے بحر ہند میں جاپان اور سپین کے بحری جہازوں کے ساتھ مشقیں کیں ۔ پی این ایس اصلت نے ریجنل میری ٹائم سیکیورٹی پٹرول کے دوران جاپان میری ٹائم ڈیفنس فورس کے جہاز سازانامی اور سپین کے بحری جہاز ایس پی ایس کینارس کے ساتھ بحری جنگی مشقیں کیں۔
پاک بحریہ کے مطابق ان مشقوں کا مقصد خطے میں موجود بحری افواج کے درمیان باہمی تعلقات کو مزید مضبوط بنانا اور باہمی تعاون کو بڑھانا ہے،پاک بحریہ سمندر میں امن و امان برقرار رکھنے کے لیے مشترکہ کوششوں پر یقین رکھتی ہے۔پاک بحریہ کا عالمی بحری افواج کے ساتھ مشترکہ مشقوں کا انعقاد علاقائی امن کیلئے پاکستان کے عزم کا مظہر ہے۔
