اسلام آباد،07جون (اے پی پی) چیئرمین وزیراعظم یوتھ پروگرام رانا مشہود احمد خاں سے پالیسی ریسرچ چیلنج میں حصہ لینے والے طلباء و طالبات نے جمعہ کو یہاں ملاقات کی۔
ملاقات میں چیئرمین وزیراعظم یوتھ پروگرام رانا مشہود احمد خاں نے کہا کہ نوجوانوں سے ہماری امید یں وابستہ ہیں،ہمارے ملک میں ٹیلنٹ کی کمی نہیں ہے لیکن ان نوجوانوں کو درست سمت دینا اور ترقی کے یکساں مواقع فراہم کرنا ہماری ذمہ داری ہے۔انہوں نے کہا کہ ان نوجوانوں کے انوویٹیو آئیڈیاز سن کر دلی خوشی ہوئی،ان تمام بچے، بچیوں کے جذبے سے متاثر ہوا ہوں۔
رانامشہود احمد خان نے کہا کہ یو نیسف اور وزیراعظم یوتھ پروگرام کے انیشیٹو جنریشن ان لمیٹڈ کے تحت ہونے والے اس پالیسی چیلنج میں ملک بھر سے نوجوانوں نے حصہ لیا اور موسمیاتی تبدیلی کے حوالے سے اپنی رائے کو پالیسی سازوں تک پہنچایا ان نوجوانوں کو پالیسی سازی کا حصہ بنانا وقت کی ایک اہم ضرورت ہے۔
