ملتان ۔ 25 جون (اے پی پی):ڈپٹی کمشنرملتان وسیم حامد سندھو نے اسپیشل پرسنز کی بحالی کیلئے عملی اقدامات کا حکم دیتے ہوئے ضلعی انتظامیہ کو اسپیشل ایجوکیشن کے اداروں کی اپ گریڈیشن سمیت سہولیات کی فراہمی کے ٹاسک دے دیا ہے۔ انہوں نے یہ اقدام گورنمنٹ شاداب ٹریننگ انسٹیٹیوٹ برائے ذہنی پسماندگان کے دورے کے موقع پر کیا۔
انہوں نے کہا کہ ضلعی انتظامیہ نے سپیشل پرسنز کو کارآمد شہری بنانے کے لیے عملی اقدامات کا عزم کیا ہے۔سپیشل پرسنز کے لیے قائم اداروں کی انسپکشن جاری رکھی جائے گی۔انہوں نے مزید کہا کہ سپیشل ٹیکنیکل اداروں میں نئے کورسز اور فیکلٹی کے لیے اصلاحات کی جا رہی ہیں۔حکومت پنجاب نے سپیشل پرسنز کی تعلیم وتربیت کے لیے ترجیحی بنیادوں پرفنڈز جاری کئے ہیں۔
