اسلام آباد،22جولائی (اے پی پی):ترکمانستان کے وزیر خارجہ راشد میردوو پاکستان کے دورے پر اسلام آباد پہنچ گئے ہیں ۔ وفاقی وزیر رانا تنویر حسین نے ہوائی اڈے پر معزز مہمان کا استقبال کیا۔
اپنے دورے میں ترکمانستان کے وزیر خارجہ پاکستانی قیادت سے ملاقاتیں کریں گے۔ راشد میردوو نائب وزیراعظم اور وزیر خارجہ محمد اسحاق ڈار سے وسیع امور پر مذاکرات کریں گے۔ فریقین کے درمیان بات چیت میں پاکستان اور ترکمانستان کے دو طرفہ تعلقات، عالمی اور علاقائی امور کا احاطہ کیا جائے گا۔
