خانیوال، 16 جولائی (اے پی پی ):وزیر اعلی پنجاب مریم نواز نے عاشورہ پر فول پروف انتظامات کی ہدایت کی ہے،حکومت پنجاب 100 فیصد امن و امان ہر صورت یقینی بنائے گی۔ وزیر اعلیٰ پنجاب مریم نواز شریف کی ہدایت پر صوبائی وزیر تعلیم پنجاب رانا سکندر حیات نے عاشورہ محرم کے سلسلہ میں خانیوال کا دورہ کیا۔انہوں نے ڈپٹی کمشنر دفتر میں امن و امان کیلئے ضلعی انتظامیہ،پولیس کی تیاریوں کا جائزہ لیا اور لاء اینڈ آرڈز،شہریوں کی جان مال کےتحفظ کیلئے انتظامات پر اطمینان کا اظہار کیا۔
اس موقع پر ڈپٹی کمشنر محمد علی بخاری اور ڈی پی او اسماعیل کھاڑک نے انہیں بریفنگ دی ۔انہوں نے ڈپٹی کمشنر دفترمیں قائم کنٹرول روم کا بھی معائنہ کیا اور کنٹرول روم میں سی سی ٹی وی کیمروں کے ذریعے جلوسوں کی مانیٹرنگ بارے بریفنگ لی۔
صوبائی وزیر تعلیم پنجاب رانا سکندر حیات نے کہا کہ وزیر اعلی پنجاب مریم نواز نے عاشورہ پر فول پروف انتظامات کی ہدایت کی ہے۔انہوں نے کہاکہ حکومت پنجاب 100 فیصد امن و امان ہر صورت یقینی بنائے گی،جلوسوں کے روٹس پر پہلی بار سرکاری سطح پر سبیلوں کا اہتمام کیا گیا ہے،عاشورہ پر حکومت پنجاب عزاداروں کو بہترین ماحول فراہم کرے گی۔
صوبائی وزیر تعلیم نے مرکزی امام بار گاہ گیارہ بلاک کا دورہ کے سیکورٹی و دیگر انتظامات چیک کیئے،ممبران امن کمیٹی نے انتظامات کو سراہا
ایم این اے محمد خان ڈاہا،اراکین صوبائی اسمبلی رانا سلیم حنیف،چوہدری اسامہ فضل،اکبر حیات ہراج،چوہدری ضیاء الرحمن بھی ہمراہ موجود تھے ۔
