لاہور،18 جولائی (اے پی پی ) صوبائی وزیر صحت خواجہ سلمان رفیق نے میئو ہسپتال اور لیڈی ایچسن ہسپتال کا دورہ کیا۔خواجہ سلمان رفیق نے اس موقع پر میئو ہسپتال آئی وارڈ اور لیڈی ایچسن ہسپتال آوٹ ڈور بلاک کا دورہ کیا۔
وائس چانسلر کنگ ایڈورڈ میڈیکل یونیورسٹی پروفیسر محمود ایاز نے پراجیکٹس کے حوالہ سے تفصیلی بریفنگ دی۔صوبائی وزیر صحت خواجہ سلمان رفیق نے اس موقع پر اظہار خیال کرتے ہوئے کہا کہ میئو ہسپتال آئی وارڈ اور لیڈی ایچسن ہسپتال کی ری ویپمنگ تکمیل کے آخری مراحل میں ہے۔ دونوں سرکاری ہسپتالوں کے ری ویمپ ہونے والے شعبہ جات کو عوام کیلئے جلد کھول دیا جائے گا۔انہوں نے کہا کہ پنجاب کے تمام سرکاری ہسپتالوں میں ری ویمپنگ منصوبے کو مانیٹر کیا جا رہا ہے۔
اس موقع پر پروفیسر محمد معین، رجسٹرار پروفیسر محمد عمران، پروفیسر ابرار اشرف، پروفیسر اسد اسلم خان، ایم ایس میو ہسپتال پروفیسر فیصل مسعود، ایم ایس لیڈی ایچسن ڈاکٹر ناصر چوہدری اور دیگر موجود تھے۔
