ڈیرہ بگٹی،23 جولائی(اے پی پی ): وزیراعلی بلوچستان میر سرفراز بگٹی اور کور کمانڈر بلوچستان کی خصوصی ہدایت پر ڈپٹی کمشنر ڈیرہ بگٹی اعجاز سروراور کمانڈنٹ بمبورائفلز کرنل عبدلوہاب قیوم کی سربراہی میں ایف سی پبلک سکول ڈیرہ بگٹی میں کھلی کچہری کا انعقاد کیا گیا۔
کھلی کچہری میں ڈی ایچ او ڈیرہ بگٹی ڈاکٹر اعظم بگٹی ایکسین پی ایچ ای اور قبائلی عمائدین سمیت تمام ضلعی افیسران نے شرکت کی ۔کھلی کچہری میں عوام نے بڑی تعداد میں شرکت کر کے اپنے مسائل بیان کئے اور درخواستیں پیش کی ۔
ڈپٹی کمشنر ڈیرہ بگٹی نے تمام درخواست گزاروں کے مسائل سنے اور انہیں حل کرانے کی پوری یقین دہانی کروائی کھلی کچہری میں قبائل معتبرین نے بھی اپنے اپنے علاقوں کے مسئلے مسائل سے آگاہ کیا ۔
ڈپٹی کمشنر ڈیرہ بگٹی نے انہیں بتایا کہ تمام مسائل کو حل کرنے کی کوشش کی جائیگی ۔
