لاہور، 09 جولائی(اے پی پی): صدر مملکت آصف علی زرداری نے کہا ہے کہ ملک کو ترقی کی راہ پر گامزن کرنے کے لیے جامع نقطہ نظر اپنانے اور دانشمندانہ مالیاتی پالیسیوں کی ضرورت پر زور د یا۔
منگل کو یہاں پروفیسر وارث میر میموریل سیمینار سے خطاب کرتے ہوئے صدر مملکت نے کہا کہ معیشت کے مختلف شعبوں، خاص طور پر زرعی شعبے کو جدید خطوط پر ترقی دینا وقت کی ضرورت ہے جبکہ حکومت بین الاقوامی مالیاتی فنڈ کی شرائط کے مطابق زرعی آمدنی پر ٹیکس لگانے کی منصوبہ بندی کر رہی ہے، تاہم صوبائی حکومتیں بڑے زمینداروں سے ان کی منافع اور اخراجات کے مطابق ٹیکس وصول کرنے کی قیادت کریں گی۔
صدر مملکت نے کہا کہ میڈیا نے لوگوں کو ان کی آواز بلند کر کے طاقت دی ہے، تاہم حالیہ برسوں میں میڈیا میں گروپ بندی بھی دیکھی گئی ہے۔ انہوں نے خبردار کیا کہ دنیا میں ایک مضبوط مذہبی لابی مسلم معاشروں میں تقسیم پیدا کرنے کے لیے تصورات کو منظم اور منفی طریقے سے پیش کر رہی ہے۔
صدر نے کہا کہ وہ آزادی صحافت کے حامی ہیں اور ہمیشہ میڈیا کی سخت تنقید کو برداشت کیا ہے۔ انہوں نے کہا کہ معاشروں کو ایجنڈا پر مبنی معلومات کے خلاف محتاط رہنے کی ضرورت ہے۔ صدر نے پیپلز پارٹی کی جمہوریت کے لیے سیاسی جدوجہد اور قربانیوں کو زبردست خراج تحسین پیش کیا اور کہا کہ انکی پارٹی نے ہمیشہ دباؤ اور قتل و غارت گری کا مقابلہ کیا اور پاکستان میں جمہوریت کی جدوجہد جاری رکھی۔
صدر مملکت نے مرحوم پروفیسر وارث میر کی جمہوریت اور صحافت کے لیے خدمات اور تعاون کو بھی زبردست خراج تحسین پیش کیا۔ انہوں نے فیصل میر اور حامد میر کی اپنے والد کی میراث کو آگے بڑھانے پر بھی تعریف کی۔
سینئر صحافی حامد میر نے سیاسی انتقام کی ثقافت کے خاتمے اور 1973 کے آئین کو اس کی اصل روح کے مطابق اپنانے کی ضرورت پر زور دیا۔سینئر صحافی سہیل وڑائچ نے مرحوم پروفیسر وارث میر کی صحافت اور جمہوریت کے لیے خدمات کو خراج تحسین پیش کیا اور صدرزرداری کی سیاسی حکمت اور مصالحتی کردار کی تعریف کرتے ہوئے انہوں نے کہا کہ ملک کو سیاسی مصالحت کی اشد ضرورت ہے اور صدر ملک کے سیاسی اور اقتصادی مسائل کو حل کرنے میں اہم کردار ادا کر سکتے ہیں۔
