کوئٹہ ،یکم جولائی(اے پی پی)؛وزیراعلیٰ بلوچستان میر سرفراز بگٹی کی زیر صدارت محکمہ ریونیو میں لینڈ ریکارڈ ڈیجیٹائزیشن سے متعلق جائزہ اجلاس منعقد ہوا ۔
وزیراعلیٰ سیکرٹریٹ میں منعقد ہونے والے اجلاس میں صوبائی وزرائ، سیکریٹری آئی ٹی ایاز خان مندوخیل ،کمشنر و ایڈمنسٹریٹر کوئٹہ ڈویژن حمزہ شفقات جبکہ سینئر ممبر بورڈ آف ریوینو قمبر دشتی نے بعذریہ ویڈیو لنک شرکت کی۔
اجلاس کوسینئرر ممبر بورڈ آف ریونیو نے بریفنگ دیتے ہوئے بتایا کہ لینڈ ریکارڈ انفارمیشن مینجمنٹ سسٹم کے ذریعے فردات اور انتقالات کو ڈیجیٹائز کیا گیا ہے، اس نظام کے تحت ای اسٹیمپنگ، جی آئی ایس نظام اور ریونیو ریکارڈ کی ڈیجیٹائزیشن شامل ہے ۔
انہوں نے مزید بتایا کہ مذکورہ نظام کے ذریعے کوئٹہ، جعفرآباد، پشین اور گوادر میں ابتدائی طور پر ریوینو ریکارڈ کو ڈیجیٹائز کیا گیا ہے اور مذکورہ نظام کے ذریعے ان چار اضلاع میں ای سہولت مراکز قائم کیے گئے ہیں ۔
اجلاس سے خطاب کرتے ہوئے وزیراعلیٰ نے کہا کہ بہتر لینڈ ریکارڈ کے لئے جامع بندی ضروری ہے ،انہوں نے ہدایت کی کہ ڈی سی کوئٹہ دو ماہ میں کوئٹہ شہر کی جامع بندی کو مکمل کرے اور ستمبر کے اوائل میں کوئٹہ شہر کے لینڈ ریکارڈ کو مکمل ڈیجیٹائز کر دیا جائے ۔
وزیر اعلیٰ نے کہا کہ جامع بندی کے لئے بندوبست اراضی کے دفتر کا تعاون ناگزیر ہے اور ایک ایسے مکینزم کی ضرورت ہے جس کے ذریعے لینڈ ریکارڈ کی درستگی کو یقینی بنایا جا سکے ۔
انہوں نے ہدایت کی کہ پٹواریوں کی بھرتی کے عمل میں میرٹ اور شفافیت کو یقینی بنایا جائے اور مسائل کے حل کے لیے موثر تجاویز بھی پیش کی جائیں جائے۔
