کراچی،11جولائی (اے پی پی):وفاقی وزیرداخلہ محسن نقوی نے کراچی کے سولجر بازار میں شاہ شہیدان امام بارگاہ کا دورہ کیا اور سکیورٹی انتظامات کا معائنہ کیا ۔ وزیرداخلہ محسن نقوی کی مولانا آیت اللہ عقیل الغربی اور سابق نگران وزیر اعلی سندھ جسٹس ریٹائرڈ مقبول باقر سے ملاقات کی ۔
اس موقع پر ان کا کہنا تھا کہ شاہ شہیدان امام بارگاہ پر سکیورٹی اور دیگر انتظامات بہترین ہیں ۔ انہوں نے کہا کہ وفاق محرم الحرام میں امن عامہ کی فضا برقرار رکھنے کے لیے تمام صوبوں کے ساتھ رابطے میں ہے،محرم الحرام کے دوران امن وامان برقرار رکھنے کے لیے تمام صوبوں کی ضروریات کو پورا کر رہے ہیں۔
مولانا آیت اللہ عقیل الغربی اور مقبول باقر نے امن عامہ کے بہترین انتظامات پر وزیرداخلہ محسن نقوی کا شکریہ ادا کیا۔
