اسلام آباد، 19 جولائی (اے پی پی): وفاقی وزیر نجکاری و سرمایہ کاری بورڈ اور مواصلات عبدالعلیم خان سے امریکہ کے سفیر ڈونلڈ بلوم نے جمعہ کو یہاں ملاقات کی۔ ملاقات میں پاکستان اور امریکہ کے باہمی دیرینہ تعلقات پر تفصیلی بات چیت کی گئی۔وفاقی وزیر عبدالعلیم خان نےامریکی سفیر سے پاکستان میں مختلف شعبوں میں سرمایہ کاری کی کاوشوں پر تفصیلی گفتگو کی۔
اس موقع پروفاقی وزیر سرمایہ کاری بورڈ عبدالعلیم خان نے کہا کہ ملکی معیشت کو درپیش چیلنجز میں ہی کئی مواقع بھی میسر ہیں،امریکہ سے بزنس کمیونٹی کی پاکستان میں سرمایہ کاری خوش آئند، ہر ممکن سہولت دیں گے۔انہوں نے کہا کہ شاہراہوں اور موٹرویز میں بڑے پیمانے پر بہتری لانا چاہتے ہیں۔
امریکی سفیر ڈونلڈ بلوم نےامریکی بزنس گروپس کی طرف سے پاکستان میں انویسٹمنٹ میں دلچسپی کا اظہار بھی کیا۔وفاقی وزیر عبدالعلیم خان اور امریکی سفیر ڈونلڈ بلوم کا ایک دوسرے کے لئے خیر سگالی کے جذبات کا اظہار کیا۔
