کراچی، 14 جولائی (اے پی پی):گورنر سندھ کامران خان ٹیسوری سے گورنر خیبرپختونخوا فیصل کریم کنڈی نے اتوار کو یہاں گورنر ہائوس میں ملاقات کی،ملاقات میں بین الصوبائی روابط، سیاحت کے فروغ، وفاقی تعاون سمیت دیگر دلچسپی کے امور پر تبادلہ خیال کیا گیا۔
گورنر سندھ نے کہا کہ بین الصوبائی روابط سے دوطرفہ مفادات کو تقویت حاصل ہوسکتی ہے۔انہوں نے مزید کہا کہ وفاق کے تعاون سے عوام کا معیار زندگی بہتر بنانے میں مدد مل رہی ہے۔
گورنر خیبرپختونخوا فیصل کریم کنڈی نے کہا کہ صوبہ میں سیاحت کے فروغ میں وفاقی تعاون لائق تحسین ہے۔انہوں نے کہا کہ آپ کے عوامی فلاحی اقدامات بالخصوص آئی ٹی کورسز قابل تقلید ہیں۔
