اسلام آباد،31 جولائی(اے پی پی):گورنر سندھ کامران ٹیسوری نے ایتھوپیا میں لینڈسلائیڈ کی وجہ سے لوگوں کی ہلاکت پر افسوس اور تعزیت کا اظہار کیا ہے۔
گورنر سندھ کامران ٹیسوری نے ایتھوپیا کے سفارتخانے کے دورہ کیا، گورنر کی سفارتخانے آمد پر ایتھوپیاکے سفیر نے انکا پرتپاک استقبال کیا۔
گورنر سندھ نے ایتھوپیا کی حکومت اور لوگوں سے اس اندوہناک واقعہ پر اظہار یکجہتی کیااور لینڈسلائیڈ کی وجہ سے لوگوں کی ہلاکت پر افسوس اور تعزیت کا اظہار کیا ہے۔
اس موقع پر سفیر جمال بیکر نے گورنر سندھ کو ایتھوپیا کی حکومت کی جانب سے متاثرہ افراد کی مستقل منتقلی کے لیے کی جانے والی امداد اور بچاؤ کی کوششوں کے بارے میں بتایا۔
سفیر نے گرین لیگیسی انیشیٹو پر بھی روشنی ڈالی جو کہ ایتھوپیا کے وزیر اعظم ڈاکٹر ابی احمد کا اقدام ہے جس کا مقصد موسمیاتی چیلنجوں کا مقابلہ کرنا اور ملک اور خطے میں غذائی تحفظ کو بھی یقینی بنانا ہے۔
