لاہور،7 اگست(اے پی پی): “ہر شہری کے لئے محفوظ ترین پنجاب” ۔ وزیراعلیٰ مریم نواز شریف کی ہدایت پر“سی ایم مریم نواز فری وائی فائی” کالاہور اور قصور کے بعد اب ننکانہ صاحب میں بھی آغازکر دیا گیا ہے۔
وزیر اعلیٰ مریم نوازشریف نے لاہور میں مزید 250 مقامات پر فری وائی فائی سروس شروع کرنے کی ہدایت کی ہے۔ ننکانہ صاحب میں پہلے فیز میں پانچ مقامات پر سیف سٹی فری وائی فائی فنکشنل کر دیا گیا ہے۔ ننکانہ صاحب میں مسجد جوک، تحصیل موڑ چوک،کچہری پھاٹک، ریلوے سٹیشن اور ریلوے شامل ہے۔ ننکانہ صاحب میں 25 ہزار سے زائد شہری سی ایم مریم نواز فری وائی فائی سے مستفید ہو نگے۔ چار ہفتے میں سی ایم مریم نواز فری وائی فائی پراجیکٹ سے ننکانہ کے شہریوں نے 250 جی بی ڈیٹا استعمال کیا ہے۔ قصور میں 10 مقامات پر سیف سٹی فری وائی فائی سروس عوام کیلئے دستیاب ہے۔ قصور میں فری وائی فائی ڈی ایچ کیو ہسپتال، وویمن کالج،نیو بس ٹرمینل،ریلوے سٹیشن، ماڈل بازار،ڈی سی آفس،نیشنل بنک چوک سمیت دیگر مقامات پر میسرہے۔ وزیر اعلیٰ مریم نواز شریف کی ہدایت پر قصور میں مزید 20 پوائنٹس پر فری وائی فائی سروس شروع ہوگی۔
وزیر اعلیٰ مریم نوازشریف نے کہا کہ لاہور میں 50 لاکھ سے زائد شہریوں کا مفت انٹرنیٹ سروس سے استفادہ کامیابی کا ثبوت ہے۔ سیف سٹیز بہت جلد راولپنڈی، فیصل آباد اور گوجرنوالہ میں فنکشنل کریں گے۔
وزیر اعلیٰ مریم نوازشریف نے کہا کہ سال کے آخر تک 18 شہروں میں سیف سٹی اتھارٹی قائم کردی جائے گی۔ خواتین اور طالبات بھی سی ایم مریم نواز فری وائی فائی سروس سے ہنگامی صورتحال میں مدد حاصل کر سکیں گی۔
