لاہور 02 اگست،( اے پی پی ) : صوبائی ترقیاتی ورکنگ پارٹی کے اجلاس میں ایک کھرب 37 ارب روپے کے فنڈز منظور وزیر اعلیٰ لاہور ڈویلپمنٹ پروگرام کیلئے 78 ارب روپے کی منظوری دی گئی۔لاہور میں روڈز اور گلیوں کی بہتری کیلئے 59 ارب فنڈز سیوریج سسٹم اور سٹریٹ لائٹس کی تنصیب پر خرچ ہونگے۔
روڈز و سیوریج سسٹم کی بہتری و بحالی میں نشتر I- زون، علامہ اقبال II- زون شامل ہیں ترقیاتی کاموں میں راوی ٹاؤن ، داتا گنج بخش، سمن آباد، گلبرگ زون کے علاقہ سر فہرست شالامار، عزیز بھٹی، واہگہ، نشتر II-، اور علامہ اقبال زون میں بھی ترقیاتی فنڈز خرچ کئے جائینگے۔
اجلاس میں لوکل گورنمنٹ پنجاب میں مانیٹرنگ سسٹم کی فراہمی کو بہتر بنانے کیلئے 70 کروڑ کی منظوری دی گئی۔اجلاس میں سیکرٹری پی اینڈ ڈی بورڈ ڈاکٹر آصف طفیل ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔
