پشین،05اگست(اے پی پی):یوم استحصال کشمیر کے موقع پر ڈی سی کمپلیکس سے ایک بڑی ریلی نکالی گئی ،جس کی قیادت ایڈیشنل ڈپٹی کمشنر سردار نزیر احمد بوستانی ، ڈسٹرکٹ ایجوکیشن آفیسر زمان ترین نے کی۔
ریلی شرکاء نے پینرز اور پلے کارڈ اٹھا رکھے تھے جن پر مظلوم کشمیریوں اور پاک فوج کے حق میں جبکہ بھارتی مظالم کے خلاف نعرے درج تھے ۔ریلی کے شرکاء نےکشمیرکے پرچم بھی اٹھارکھے تھے۔
ریلی کے موقع پر ایڈیشنل ڈپٹی کمشنر سردار نزیر احمد بوستانی نے گفتگو کرتے ہوئے کہاکہ کشمیر پاکستان کی شہ رگ ہے اور پورے ملک میں ایک ہی وقت یوم استحصال کشمیر کادن منانا کشمیری عوام سے یکجہتی کی زندہ مثال ہے۔انہوں نے کہا کہ کشمیر پاکستان کا اہم حصہ ہے اور ہمیشہ رہے گا کیونکہ پاکستان کشمیر کے بغیر نامکمل ہے۔
ریلی میں پاکستان مسلم لیگ ن ضلعی صدر سعداللہ ترین، ضلعی انتظامیہ کےافسران اور سول سوسائٹی افراد نے شرکت کی۔
