ریسکیو 1122 ملتان ہائی الرٹ پاکستان اور ویسٹ انڈیز کے درمیان پہلا ٹیسٹ کرکٹ میچ شروع ہوگیا ۔ڈسٹرکٹ ایمرجنسی آفیسر ڈاکٹر حسین میاں نے کہا ایمرجنسی کور پلان پر 100 سے زائد ریسکیو اسٹاف 04 فائر ٹینڈرز 06 ایمبولینسز 20 موٹر بائیکس ایمبولینسز 1 اسپیشل وہیکلز اور 01 آفیشل وہیکلز ڈیوٹی پر تعینات ہیں اور کہا اسٹاف ایمرجنسی کور پلان کے مطابق ڈیوٹی سرانجام دے رہے ہیں ۔
انہوں نے کہا خاص طور پر کرکٹ اسٹیڈیم کے اندر اور باہر پوسٹیں بنائی گئی ہیں پوسٹوں اور ریسکیو کی گاڑیوں کے ساتھ سٹاف الرٹ ہے اور ٹیسٹ کرکٹ میچ کے کور پلان کی ڈسٹرکٹ ایمرجنسی آفسر ریسکیو 1122 ملتان خود نگرانی کر رہے ہیں۔
انہوں نے کہا کہ پاکستان اور ویسٹ انڈیز کے ٹیسٹ میچ کے موقع پر خصوصی تربیت یافتہ سٹاف تعنات ہے ۔انہوں نے کہا ریسکیو 1122 کنٹرول روم 24/7 فعل ہے اور میچ کے دوران بھی ہر ایمرجنسی کال پر ایمرجنسی سروس کی فراہمی کا سلسلہ جاری رکھا ہوا ہے ۔
انہوں نے کہا ہے کہ موٹربائیکس ایمبولینسز سروس کی بھی خصوصی پوسٹوں پر سٹاف الرٹ ہےاور بروقت ایمرجنسی سروس کی فراہمی کر رہا ہے۔
