ملتان، 27 فروری )اے پی پی):ڈپٹی کمشنر محمد علی بخاری نے کہا ہے کہ ماہ رمضان المبارک کے سلسلے میں سہولت بازار مکمل فعال کردیے گئے ہیں اس سلسلے میں سہولت رمضان بازاروں میں سستا چینی کاؤنٹرز ،آٹا پوائنٹس بھی قائم کئے گئے ہیں۔ انہوں نے کہا کہ عام مارکیٹ کی نسبت سستی اشیاء خوردونوش کی خریداری کیلئے شہریوں کا رش ضلعی انتظامیہ کے موثر انتظامات کا ثبوت ہے۔
ان خیالات کا اظہار انہوں نے سہولت رمضان بازار کا دورہ کرتے ہوئے کیا۔اسسٹنٹ کمشنر سٹی عبدلسمیع شیخ اور مارکیٹ کمیٹی حکام نے اس موقع پر سہولیات پر بریفننگ دی۔ڈپٹی کمشنر نے شہریوں سے ملاقات کی اور اشیاء خوردونوش کی کوالٹی چیک کی۔
ڈپٹی کمشنر محمد علی بخاری نے کہا کہ وزیر اعلیٰ پنجاب نے ماہ رمضان المبارک میں تاریخی ریلیف پیکچ فراہم کیا ہے جبکہ عوام کو ماہ رمضان میں مہنگائی سے بچانے کیلئے میگا کریک ڈاؤن شروع کیا جارہا ہے۔
محمد علی بخاری نے مزید کہا کہ ضلع بھر میں پرائس کنٹرول مجسٹریٹس پر مشتمل خصوصی ٹیمیں تشکیل دے دی گئی ہیں۔انہوں نے کہا کہ ضلع بھر میں 130 روپے چینی کی فروخت کیلئے 11 کاونٹرز قائم کئے گئے ہیں جبکہ آٹا سمیت تمام اشیاء خوردونوش پر خصوصی سبسڈی دی جارہی ہے۔
