سیالکوٹ،19 فروری(اے پی پی): وزارت مذہبی امور کے زیر اہتمام عازمین حج کی ایک تربیتی نشست کا اہتمام وزیر آباد روڈ پر جیسمین مارکی میں کیا گیا۔ جس میں ضلع سیالکوٹ کے 2500 عازمین حج کو مناسک حج،حج ایپ کے استعمال،شکایات کے ازالہ اور انتظامی امور کی بابت معلومات فراہم کی گئیں۔
ترجمان وزارت مذہبی امور عمر بٹ نے بتایا کہ وزارت مذہبی امور کی زیر نگرانی 18 جنوری سے 27 فروری تک ملک بھر میں 147 تحصیلوں میں عازمین حج کی پہلی ایک روزہ تربیت کروائی جائے گی جبکہ رمضان کے بعد دوبارہ عازمین حج کی تربیتی نشست ہوگی جس میں حاجی کیمپ، ویکسین کی بابت معلومات اور پروسیجر بھی بتایا جائے گا۔ انہوں نے کہا کہ 20 فروری کو نارووال میں تربیتی نشست کی جائے گی۔
