اسلام آباد،26فروری(اے پی پی):وزیر دفاع و دفاعی پیداوار خواجہ محمد آصف سے جمہوریہ کرغزستان کے سفیر آوازبیک عطاخانو نے ملاقات کی ۔
وزیر دفاع نے معزز مہمان کا استقبال کیا اور کہا کہ پاکستان کرغزستان کے ساتھ دوستانہ تعلقات کو بہت اہمیت دیتا ہے۔
انہوں نے اس بات پر زور دیا کہ پاکستان علاقائی اور بین الاقوامی تنظیموں کے فریم ورک کے اندر کرغزستان کے ساتھ تعاون کو مزید فروغ دیتا رہے گا۔
سفیر نے پاکستان کی حمایت اور تعاون کو سراہا۔ انہوں نے پاکستان کی دفاعی صنعتوں اور ان کی مصنوعات کی صلاحیتوں کی تعریف کی اور دونوں ممالک کے درمیان خوشگوار تعلقات کی اہمیت کو اجاگر کیا۔
دونوں معززین نے اعلیٰ سطحی دوطرفہ کوآرڈینیشن کے لیے ادارہ جاتی فریم ورک کو مزید مضبوط کرنے پر اتفاق کیا۔
