اسلام آباد،10 فروری(اے پی پی ): وفاقی وزیرداخلہ محسن نقوی کا سی ڈی اے اور ڈی ایچ اے کے نئے مشترکہ سیکٹر مارگلہ انکلیو کا دورہ کیا۔
وزیر داخلہ محسن نقوی نے سائٹ پر جا کر جاری ترقیاتی کاموں کا جائزہ لیا۔مارگلہ انکلیو کے 50 فیصد ترقیاتی کام 14 اگست اور 100 فیصد کام31 دسمبر تک مکمل کرکے مالکان کو پلاٹس کا قبضہ دینے کا فیصلہ کیا۔
وفاقی وزیر داخلہ محسن نقوی نے ترقیاتی کاموں کی رفتار کو تیز کرنے کی ہدایت کرتے ہوئے کہا کہ ترقیاتی کام جلد مکمل کرنے کے لیے تمام وسائل بروئے کار لائے جائیں۔وزیر داخلہ کا کہنا تھا کا مارگلہ انکلیو تک آسان رسائی کے لیے نیا راستہ تعمیر کرنے کی ہدایت کرتے ہوئے کہا کہ رسائی کا متبادل راستہ سے وزیر اعظم ہاوس سے مارگلہ انکلیو تک فاصلہ صرف 5 منٹ تک ہونا چاہیئے۔
وزیر داخلہ محسن نقوی کا مارگلہ انکلیو کے راستے میں تجاوزات فوری طور پر ہٹانے کا حکم بہترین لوکیشن کی وجہ سے شہریوں نے اس منصوبے میں گہری دلچسپی ظاہر کی ہے۔محسن نقوی ک کہنا تھا کہ اس منصوبے میں خوبصورت لوکیشن کے ساتھ شہریوں کو تمام معیاری اور جدیدسہولیات فراہم کی جائیں گی۔
انہوں نے کہا مارگلہ انکلیو میں جھیل بھی بنے گی۔مارگلہ انکلیو 10 ہزار کنال اراضی پر بن رہا ہے۔ 5 مرلہ۔ 10 مرلہ اور ایک کنال کے پلاٹس رکھے گئے ہیں۔وزیر داخلہ کو بریفنگ دیتے ہوئے بتایاگیا کہ درخواستیں جمع کرانے کی آخری تاریخ 14 فروری ہے۔
چئیرمین سی ڈی اے محمد علی رندھاوا اور ڈی ایچ اے کے پراجیکٹ ڈائریکٹر نے ڈویلپمنٹ ورک اور سیکٹرز پلاننگ کے بارے بریفنگ دی۔
