اسلام آباد،27فروری(اے پی پی):وفاقی کابینہ کے مزید 21 اراکین نے حلف اٹھا لیا ۔ صدر مملکت آصف علی زرداری نے کابینہ میں شامل ہونے والے نئے اراکین سے حلف لیا ۔
جمعرات کو ایوان صدر میں وفاقی کابینہ میں شامل ہونے والے اراکین کی حلف برداری کی تقریب منعقد ہوئی ۔ صدر مملکت نے پہلے مرحلے میں 12 وفاقی وزراء سے حلف لیا ۔
وفاقی وزراء میں سردار محمد یوسف ، محمد حنیف عباسی ، معین وٹو،مصطفیٰ کمال، اورنگزیب کچھی، رانا مبشر، رضا حیات ہراج، طارق فضل چوہدری، علی پرویزملک،شزا فاطمہ،جنید انور اور خالد مگسی شامل ہیں ۔
صدر مملکت نے دوسرے مرحلے میں 9 وزراء مملکت سے حلف لیا ۔ وزراء مملکت میں طلال چوہدری، بیرسٹرعقیل ملک، ملک رشید،کھیئل داس کوہستانی، عبدالرحمان کانجو، بلال اظہرکیانی، مختاربھرت،عون چوہدری اور وجیہہ قمر شامل ہیں ۔ حلف برداری کی تقریب میں وفاقی وزراء اور نئے وزرا کے اہلخانہ نے شرکت کی۔
