اقوامِ متحدہ، 28 مارچ ( اے پی پی): پاکستان نے اقوامِ متحدہ کی جنرل اسمبلی کی پانچویں کمیٹی میں اسلاموفوبیا کے نظرثانی شدہ تخمینوں سے متعلق مالیاتی قرارداد کی منظوری کے لیے اتفاقِ رائے حاصل کر لیا ہے۔
اقوامِ متحدہ کی جنرل اسمبلی کے 79ویں اجلاس کے پہلے حصے کے اختتامی اجلاس میں قومی بیان دیتے ہوئے
انہوں نے اس بات کو اجاگر کیا کہ اس قرارداد پر مذاکرات اور اس کی تکمیل کا مقدس ماہِ رمضان میں ہونا ایک بامعنی اور علامتی اہمیت کا حامل ہے۔
پاکستان نے پانچویں کمیٹی کے مذاکرات میں کلیدی مذاکرات کار کے طور پر نمایاں کردار ادا کیا۔
پاکستان نے جی 77 اور چین کے مؤقف کو مستحکم کرنے اور اقوامِ متحدہ کے سیکریٹری جنرل کے خصوصی نمائندے برائے اسلاموفوبیا کی تقرری سے متعلق قرارداد کے متفقہ منظوری میں اہم کردار ادا کیا۔
قرارداد کے مطابق، دفتر برائے خصوصی نمائندہ برائے اسلاموفوبیا یکم اپریل 2025 سے قائم کیا جائے گا۔
اے پی پی/قرۃالعین/
