اسلام آباد،19مارچ(اے پی پی):صدر مملکت آصف علی زرداری نے کوئٹہ میں امن و امان کی صورتحال پر اجلاس کی صدارت کی۔ اجلاس میں چئیرمین پاکستان پیپلزپارٹی بلاول بھٹو زرداری نے خصوصی شرکت کی۔
اجلاس میں وزیر اعلیٰ بلوچستان میر سرفراز بگٹی نے صوبے میں امن و امان کی صورتحال پر بریفنگ دی۔ صدر مملکت نے اجلاس میں گفتگو کرتے ہوئے کہا کہ دہشت گرد عناصر کو ہر قیمت پر شکست دیں گے، دہشت گرد قوم کو تقسیم کرنا چاہ رہے ہیں، انہوں نے کہا کہ بلوچستان دل کے قریب ہے، انسداد دہشت گردی ونگ کو جدید اسلحہ فراہم کریں گے۔
صدر مملکت نے کہا کہ صوبے کی ترقی اور پائیدار امن چاہتے ہیں، بلوچستان کے ہر بچے کو اسکول میں دیکھنا چاہتے ہیں، جدید ٹیکنالوجی سے بچوں کو روشناس کروانا وقت کی ضرورت ہے۔
احسن ، حبیب شاہ
