اسلام آباد ، 25 مارچ (اے پی پی)：صدر پاکستان آصف علی زرداری کی جانب سے پاکستان آرفن کیئر فورم کے زیرِ کفالت یتیم بچوں کیلئے ایوانِ صدر میں افطار ڈنر کا اہتمام کیا گیا۔ اس موقع پر صدر پاکستان آصف علی زرداری نے کہا کہ بچے ہمارا مسقبل ہیں، بچے اپنی تعلیم پر خصوصی توجہ دیں، بچے محنت کریں تاکہ کامیاب انسان بن سکیں۔
آپ سب مجھے اپنے بچوں کی طرح عزیز ہیں، صدر پاکستان نے آرفن کیئر فورم کے زیرکفالت بچوں میں بطور تحفہ کمپیوٹر ٹیبلٹس بھی تقسیم کیے
انہوں نے کہا کہ خاتون اول آصفہ بھٹو زرداری کے مشورے پر آپ کو کمپیوٹر ٹیبلیٹس کا تحفہ دے رہا ہوں، تمام بچے کمپیوٹر ٹیبلیٹس کو تعلیم حاصل کرنے اور سیکھنے کیلئے استعمال کریں۔تقریب سے پاکستان آرفن کیئر فورم کے چیئرمین ایئر مارشل ریٹائرڈ فاروق حبیب نے خطاب کرتے ہوئے کہا کہ پاکستان میں ایک اندازے کے مطابق 46 لاکھ یتیم بچے ہیں، پاکستان آرفن کیئر فورم اور اس سے منسلک ادارے ملک بھر میں 1 لاکھ 20 ہزار کے قریب بچوں کی کفالت کررہے ہیں، فورم ملک میں یتیم بچوں کے حقوق کیلئے آواز بلند کررہا ہے، یتیم اور محروم بچوں کی کفالت معاشرے کی مشترکہ ذمےداری ہے۔
فاروق
