لاہور، 10 مارچ (اے پی پی ): صوبائی وزیر اوقاف ومذہبی امور چوہدری شافع حسین کی زیر صدارت محکمہ صنعت و تجارت کے کمیٹی روم میں اجلاس منعقد ہوا ۔
اجلاس میں محکمہ اوقاف و مذہبی امور کے معاملات کی ڈیجیٹائزیشن کے عمل کا جائزہ لیا گیا ۔سیکرٹری اوقاف ڈاکٹر طاہر رضا بخاری نے ڈیجیٹائزیشن پراسیس بارے بریفننگ دی اور بتایا کہ محکمہ اوقاف و مذہبی امور کی ڈیجیٹائزشن کا پہلا مرحلہ مکمل ہوچکا ہے ،دوسرے مرحلے میں اوقاف کی پراپرٹیز کے رینٹ کی آن لائن کلیکشن شروع کی جائے گی ۔
ڈیجیٹائزیشن کا دوسرا مرحلہ رواں سال دسمبر تک مکمل ہو جائے گا ، صوبائی وزیر اوقاف چوہدری شافع حسین نے کہا کہ اوقاف کی اربوں روپے مالیت کی پراپرٹی ہے لیکن کرایہ بہت کم ہے ،اوقاف کی پراپرٹی کا رینٹ بڑھانے کیلئے میکانزم بنایا جائے ۔
انہوں کہا کہ اوقاف کی اربن اراضی کی مناسب اسیسمنٹ کی جائے اور تمام ریکارڈ ڈیجیٹائز کیا جائے ڈیجیٹائزیشن کے عمل کو تیزی سے آگے بڑھایا جائے محکمہ اوقاف کا اپنا آئی ٹی ڈیپارٹمنٹ بھی ہونا چاہئے ،ایڈیشنل سیکرٹری اوقاف نبیلہ جاوید ،ڈی جی اوقاف ومذہبی امور خالد محمود سندھو اور متعلقہ افسران نے اجلاس میں شرکت کی۔
