اسلام آباد،14 فروری(اے پی پی ): وزیراعظم محمد شہباز شریف کی ہنگو سے تعلق رکھنے والے فٹ بال کے کھلاڑی محمد ریاض سے ملاقات ہوئی ۔
وزیراعظم نے ریاض حسین کے ہمت و حوصلے کی پزیرائی کی اور 25 لاکھ کی مالی معاونت کا اعلان کیا۔دوران ملاقات وزیرِاعظم نے کہا کہ پاکستانی نوجوان افرادی قوت ملک کا قیمتی اثاثہ ہیں. پاکستانی کھلاڑیوں کو ہر قسم کی سہولیات اور انکو بین الاقوامی سطح پر مسابقت کیلئے وسائل کی فراہمی حکومت کی اولین ترجیحات میں شامل ہے۔
وزیراعظم نے محمد ریاض سے گفتگو کرتے ہوئے کہا کہ آپ قوم کے ہونہار کھلاڑی ہیں اور آپ کا ٹیلنٹ ضائع نہی ہونے دینگے۔ وزیراعظم نے ہدایت دی کہ محمد ریاض کو انکی پسند کے وفاقی ادارے میں ملازمت دی جائے، وزیراعظم نے محمد ریاض کو 25 لاکھ روپے کا چیک پیش کیا۔
وزیراعظم نے مزید کہا کہ بین الاقوامی سطح پر پاکستان کی نمائندگی کرنے والے کھلاڑیوں کی بہبود اور انہیں روزگار کے پائیدار مواقع فراہم کرنے کے لیے حکمت عملی تشکیل کی جائے۔
