ملتان 20 مارچ(اے پی پی):وفاقی محتسب کے انوسٹی گیشن آفیسر حافظ محمد صہیب نے ڈیرہ غازی خان کا دورہ کیا ، انہوں نے صوبائی محتسب کے دفتر میں وفاقی اداروں کی بدانتظامی کے خلاف عوام الناس کی شکایات کی سماعت اور کھلی کچہری کا اہتمام کیا
انہوں عوام الناس کی شکایات سنیں اور تحریری درخواستں وصول کیں اس دوران انہوں نے 110 سے زائد کیسز موقع پر نمٹا دیئے ، 10 لاکھ سے زائد رقم مختلف بلوں میں واپس کرنے کے احکامات جاری کیے ۔موقع پر موجود ایس ڈی اوز میپکو کو 20 سے زائد الیکٹرسٹی کنکشن کی بحالی کے احکامات صادر کیے۔
اس موقع پر متعلقہ آفیسرز نے بتایا کہ وفاقی محتسب کی ھدایت پر 15 سے زائد خراب بجلی کے میٹر بھی تبدیل کر دیے ھیں۔
انہوں نے تمام وفاقی اداروں ، واپڈا، سوئی گیس، پوسٹل لائف انشورنس، نادرا، پاکستان ریلوے، زرعی ترقیاتی بینک، پاکستان بیت المال، وغیرہ کے فوکل پرسنز کو زیر التوا شکایات کو فوری عملدرآمد کرنے کے احکامات دیئے۔
ان کا کہنا تھا کہ وفاقی محتسب اعلیٰ کے تمام فیصلوں کو جلد از جلد عملدرآمد کروائیں گے اور اس میں کسی قسم کی کوئی سستی برداشت نہیں کی جائے گی،
ان کا مزید کہنا تھا کہ عوام الناس اپنی شکایات سادہ کاغذ پر لکھ کر موقع پر جمع کروا سکتے ہیں،تمام عوامی مسائل قوائد و ضوابط کے مطابق حل کروانا وفاقی محتسب کی زمہ داری ہے جو بلا معاوضہ اور بلا تاخیر جاری رہے گی۔
