اسلام آباد، 04 مارچ :وفاقی وزیر برائے قومی غذائی تحفظ رانا تنویر حسین کی تاجک سفیر سے ملاقات ہوئی جس میں پاکستان اور تاجکستان کے درمیان دو طرفہ تجارتی تعلقات پر اہم گفتگو ہوئی۔
رانا تنویر حسین نے تاجک سفیر سے گفتگو کرتے ہوئے کہا کہ پاکستان اور تاجکستان کے درمیان گہرے تعلقات ہیں دونوں مملک کے درمیان تجارتی روابط مزید بڑھائیں گے۔
دوران ملاقات تاجک سفیر نے گوادر اور کراچی بندرگاہوں کے استعمال میں دلچسپی کا اظہار کیا اور لاجسٹک مسائل کے حل کی درخواست کی۔
رانا تنویر حسین نے کہا کہ برادر ملک تاجکستان کے مسائل کے حل کے لیے ہر ممکن کوشش کریں گے۔
ملاقات میں تاجکستان کی پاکستان کو تجارتی نمائش کی تجویز بھی زیر غور لائی گئی۔
تاجکستان کو چینی برآمد کرنے پر رانا تنویر حسین اور تاجک سفیر کے درمیان اہم بات چیت ہوئی۔
تاجک سفیر نے رانا تنویر حسین سے پاکستان اور تاجکستان کے درمیان براہ راست پروازوں کی ضرورت کا ذکر کیا۔
