ملتان۔12مارچ(اے پی پی):ملتان شہر کے ٹریفک مسائل حل کیلئے کمشنر ملتان ڈویژن عامر کریم خاں کی زیر صدارت اجلاس منعقد ہوا۔کمشنر عامر کریم خاں نے کہا کہ ایم ڈی اے شہر کے مختلف مقامات پر 11 نئے بس اسٹاپس لوکل طرز کے شیڈز تعمیر کرے گا۔ شہریوں کو سفری سہولیات کی فراہمی پبلک ٹرانسپورٹ کے نظام کو مزید موثر بنانے کے لیے اقدامات کئے جارہے ہیں۔ٹریفک کی بہتری کے لیے تمام مجوزہ منصوبوں پر جلد از جلد عملدرآمد یقینی بنایا جائے۔
اجلاس میں تجاوزات کے خاتمے،جدید ٹریفک مینجمنٹ سسٹم کے نفاذ،ٹریفک کی روانی کو بہتر کرنے کیلئے متعدد سڑکوں کی اپ گریڈیشن، ممکن حد تک کشادہ کرنے کی تجاویز زیر غور آئیں۔
اجلاس میں ڈپٹی کمشنر محمد علی بخاری، سی ٹی او سردار مواہرن خان، ڈی جی ایم ڈی اے رانا سلیم موجود، ایم ڈی اے، ہائ ویز اور متعلقہ محکموں کے افسران موجود تھے۔
