لاہور، 31 مارچ (اے پی پی): پاکستان مسلم لیگ ن کے صدر محمد نواز شریف اور دیگر عزیز واقارب نے نماز عیدالفطر کی نماز جاتی عمرہ میں ادا کی۔
قائد محمد نواز شریف اور وزیراعلی پنجاب مریم نواز شریف نے اپنے بزرگان کی قبور پر حاضری دی۔میاں محمد شریف ، اہلیہ میاں محمد شریف ، بیگم کلثوم نواز ، عباس شریف کی قبور پر فاتحہ خوانی کی اور تمام مرحومین کے ایصال ثواب اور درجات کی بلندی کی دعائیں کیں۔
میاں محمد شریف ، اہلیہ میاں محمد شریف ، بیگم کلثوم نواز اور عباس شریف کی قبور پر پھول بھی رکھے۔
قائد محمد نواز شریف نے لوگوں سے عید ملی اور مبارکباد وصول کی۔ بعد ازاں قائد محمد نواز شریف اور وزیراعلیٰ مریم نواز شریف نے محفل میلاد شریف میں شرکت کی۔
