لاہور، 6 مارچ (اے پی پی): صوبائی وزیر قانون ملک صہیب احمد بھرتھ کی دعوت پر خوشاب، قائد آباد، نور پور تھل اور نوشہرہ بار ایسوسی ایشنز کے صدور و جنرل سیکرٹریز نے وزیر قانون پنجاب سے ملاقات کی۔
صدر خوشاب بار ملک اختر عباس ، صدر نور پور بار ملک آغا حیسن ایڈووکیٹ ، صدر قائد آباد بار پیر محسود گیلانی ایڈووکیٹ اور صدر نوشہرہ بار ملاقات کرنے والوں میں شامل تھے۔ ملاقات میں پنجاب حکومت کی طرف خوشاب بار ایسوسی ایشن کو 50 لاکھ روپے، نور پور تھل بار کو 25 لاکھ روپے اور قائد آباد بار کو 25 لاکھ روپے کی گرانٹ دی گئی۔
صوبائی وزیر قانون نے گفتگو کرتے ہوئے کہا کہ گرانٹ سے فی میل بار رومز کی تعمیر، ای لائبریری, ایگزیکٹو رومز، کتب،، کمپیوٹرز اور فرنیچر خرید سکیں گے۔ ملاقات کرنے والے صدور نے کہا کہ حکومت کا پنجاب بھر کے وکلاء کے فوری مسائل حل کرنا قابل ستائش ہے۔ پنجاب کی تاریخ میں پہلی مرتبہ وزیر اعلیٰ پنجاب بڑے پیمانے پر وکلا کے مسائل کو حل کر رہی ہیں۔
صوبائی وزیر قانون نے کہا کہ میں پنجاب بھر کے وکلا کا نمائندہ ہوں. ینگ وکلا کی ٹریننگ کے لیے پروگرام کو حتمی شکل دے چکے ہیں ۔
صوبائی وزیر قانون ملک صہیب احمد بھرتھ نے کہا کہ وکلا کے مسائل کو سلسلہ وار حل کر رہے ہیں. وکلا اور ہم ایک ٹیم ہیں۔
صوبائی وزیر قانون نے کہا کہ پنجاب حکومت صوبہ بھر کی بار میں خواتین وکلاء کیلئے ڈے کیئر سنٹر کا قیام کررہی ہے۔انھوں نے کہا کہ وکلاء کے مسائل کو مستقل بنیادوں پر حل کیا جائے گا۔
وزیر قانون نے کہا کہ وزیر اعلیٰ پنجاب ترجیحی بنیادوں پر وکلاء کے مسائل کو حل کرنا چاہتی ہیں۔ ملک صہیب احمد بھرتھ نے کہا کہ پنجاب میں شاہرائوں کا جھال پچھایا جا رہا ہے اور کرپشن کا خاتمہ کیا جا رہا ہے۔
