لاہور10مارچ(اے پی پی): ڈپٹی کمشنر لاہور سید موسیٰ رضا کی زیر صدارت لاہور ڈویلپمنٹ پروگرام کے حوالے سے اجلاس منعقد ہوا ۔اجلاس میں ایڈیشنل ڈپٹی کمشنر فنانس و پلاننگ مدثر نواز، سی او ایم سی ایل شاہد عباس کاٹھیا اور اسسٹنٹ کمشنرز نے بھی اجلاس میں شرکت کی۔
ڈپٹی کمشنر لاہور کا منصوبے کے پہلے مرحلے پر پیشرفت کا جائزہ لیا گیا ۔اسسٹنٹ کمشنرز، واسا اور میٹروپولیٹن کارپوریشن نے ترقیاتی کاموں کی پیش رفت پر تفصیلی بریفنگ دی۔
ڈی سی لاہور کی تمام ترقیاتی کام وقت پر اور اعلیٰ معیار کے ساتھ مکمل کرنے کی ہدایت کرتے ہوئے کہا کہ کام کے معیار پر کسی قسم کا سمجھوتہ نہیں کیا جائے گا،انہوں نے متعلقہ محکموں کو منصوبہ اعلیٰ معیار اور بروقت مکمل کرنے کا حکم دیا۔
