لاہور، 6مارچ (اے پی پی): گورنر پنجاب سردار سلیم حیدر خان سے تھیلیسیمیا اور ہیموفیلیا میں مبتلا بچوں کے وفد نے گورنر ہاؤس میں ملاقات کی۔ اس موقع پر سہیل وڑائچ اور خالد عباس ڈار بھی موجود تھے۔
گورنر سردار سلیم حیدر خان نے گفتگو کرتے ہوئے کہا کہ گورنر ہاؤس پر تھیلیسیمیا، خصوصی بچوں اور بے سہارا بچوں کا بھی اتنا ہی حق ہے جتنا سیاستدانوں، وزیروں کا۔
گورنرپنجاب نے تھیلیسیمیا کے بچوں کو گورنر ہاؤس کی سیر کروائی اور افطاری کی دعوت بھی دی۔ گورنر پنجاب نے کہا کہ اسے بچوں کی خدمت کرنا میرے لئے باعث فخر ہو گا۔
گورنرپنجاب نے اپیل کی کہ نوجوان نسل خون کا عطیہ دے کر تھیلیسیمیا کے مرض میں مبتلا بچوں کی زندگیوں کو بچانے کا ذریعہ بنے۔
انھوں نے کہا کہ جب تک گورنر پنجاب ہوں۔ گورنر ہاوس کے دروازے غریبوں، یتیموں، بیماروں کی مدد کے لئے کھلے ہیں۔
