اسلام آباد، 15 مارچ ( اے پی پی):پاکستانی مستقل مندوب منیر اکرم کا کہنا ہے کہ اسلامو فوبیا سے ہر سطح پر نمٹنا ہوگا۔ پاکستان اور او آئی سی اسلامو فوبیا کے خلاف سیکرٹری جنرل کے ساتھ کام کریں گے۔
اقوام متحدہ میں پاکستانی مستقل مندوب منیراکرم نے اپنے پیغام میں کہا ہے کہ اسلاموفوبیا سے ہر سطح پر نمٹنا ضروری ہے۔ انہوں نے مزید کہا کہ کئی ممالک نے اسلاموفوبیا کے خلاف بیانات دیے ہیں، لیکن اب وقت آ گیا ہے کہ ان بیانات کو عملی شکل دی جائے۔
منیراکرم نے کہا کہ پاکستان اور او آئی سی اسلاموفوبیا کے خلاف اقوام متحدہ کے سیکرٹری جنرل کے ساتھ مل کر کام کریں گے اور عالمی سطح پر اس مسئلے کو تسلیم کرنے میں پاکستان کا قائدانہ کردار ہے۔ انہوں نے کہا کہ اسلاموفوبیا کے خاتمے کے لئے ایک خصوصی سفیر مقرر کرنے کا فیصلہ کیا گیا تھا، جس کا اعلان چند دنوں میں کر دیا جائے گا۔
پاکستان اور اسلامی ممالک اس مسئلے کے حل کے لئے ایک مشترکہ حکمت عملی پر کام کریں گے، تاکہ اسلاموفوبیا کو ختم کرنے کے لئے موثر اقدامات کیے جا سکیں۔
